ვრცელდება ინფორმაცია, რომ სალხინოს მონასტერში დილიდან ხმაურია. ადგილობრივი მრევლის ინფორმაციით, სასულიერო პირებს წირვის ჩატარების უფლება არ მისცეს, და პოლიციამ 5 სასულიერო პირი დააკავა. მამა დანიელი, მამა ლუკა, მამა მიქაელი, მამა პეტრე და მამა ბასილი.მარტვილის პოლიციის სამმართველოში გადაიყვანეს.
როგორც ბერ-მონაზვნები აცხადებენ, მათ წასასვლელი არსად აქვთ, რის გამოც ეპარქიიდან წასვლას არ აპირებდნენ.
ჭყონდიდის მიტროპოლიტმა მეუფე სტეფანემ 15-მდე სასულიერო პირს მღვდელმსახურება რამდენიმე თვის წინ აუკრძალა და მონასტრიდან განკვეთა.
ცნობისათვის, ჭყონდიდის ეპარქიიდან განკვეთილ სასულიერო პირებს მონასტერში ყოფნის ვადა გუშინ ამოეწურათ.