რეგიონებში კომერციულ სექტორს ბუნებირვი აირი 20 თეთრით უძვირდება. ახალი ტარიფი ძალაში პირველი დეკემბრიდან შევა. მოქალაქეები ფიქრობენ, რომ კომერციული სექტორისთვის გაზის გაძვირება ჯაჭვურ რეაქციას გამოწვევს და ყოველდღიური მომსახურების პროდუქტებიც გაძვირდება.
სარესტორნო ბიზნესში ამბობენ, რომ მათ ან მომსახურების ფასი უნდა გაზარდონ ან მუშაობა ზამთარში საერთოდ შეაჩერონ.
“ენერგეტიკულ რესურსებზე ფასების მატება მთლიანობაში ყველაფერზე ფასების მატებას გამოიწვევს. უკვე ჩემთანაც აისახება სერიოზულად ეს ყველაფერი, იმიტომ რომ საბანკო ვალდებულებები, კომუნალური გადასახადები, პროდუქტი, რომელიც ძვირდება ზამთრის პერიოდში, ეს ყველაფერი ტარიფზე და მომხმარებლის ჯიბეზე აისხება. შესაბამისად, სავალალო შედეგებამდე მივალთ მთლიანობაში”, – თქვა რესტორან “შინ და გორის” დირექტორმა, ზაზა ადუაშვილმა.
გაზის ტარიფის 95 თეთრიდან 1.15 თეთრამდე გაზრდას ექსპერტებიც უარყოფითად აფასებენ და აღნიშნავენ, რომ ქვეყანაში ფასები სასიცოცხლოდ მნიშვნელოვან პროდუქტებზეც მოიმატებს, რაც საბოლოოდ ლარის კურსზე უარყოფითად აისახება.