“ცოცხალი სააკაშვილი სჭირდება ქვეყანას, შეწყვიტე შიმშილობა” – ,,კანონი და სამართალის” ლიდერი თაკო ჩარკვიანი საქართველოს მესამე პრეზიდენტთან ვიზიტის მოლოდინში რუსთავის მე-12-ე დაწესებულებასთან იმყოფება.

,,მე ვთვლი, რომ მან აქ ჩამოსვლითა და შიმშილობით უდიდესი პოლიტიკური აქტი ჩაატარა. მისი სიცოცხლე იმდენად მნიშვნელოვანია სამომავლო ბრძოლისთვის, რომ ვფიქრობ, რომ უნდა შეწყვიტოს შიმშილობა.

“მან თავის საქმე, როგორც ლიდერმა, თავად იცის, მაგრამ მე მაინც მგონია, რომ ახლა მისი ჯანმრთელობა, სიცოცხლე ძალიან მნიშვნელოვანია ამ ბრძოლისთვის , რომელიც ზუსტად ახლა იწყება. მგონია, რომ თუ შეწყვეტდა შიმშილობას, ეს ძალიან წაადგებოდა იმ ბრძოლას, სადაც ყველანი უნდა ვიყოთ ერთად.  დღეს რუსეთ საქართველოს ომია და ამ ბრძოლაში მიხეილ სააკაშვილი, რომელიც არის რუსეთის მიერ დევნილი, ცოცხალი სჭირდება ქვეყანას”, – თქვა თაკო ჩარკვიანმა.

გამომდინარე მისი პიროვნებიდან, ვთვლი, რომ ის შიმშილობას არ შეწყვეტს, მაგრამ მე მინდა, ჩემი პოზიცია ავუხსნა” – აცხადებს თაკო ჩარკვიანი.

ამ დროისთვის მიხეილ სააკაშვილთან ციხეში მისი ადვოკატები იმყოფებიან.