სხვადასხვა ქვეყანაში მყოფი ქართველი ემიგრანტები სამშობლოში დაბრუნებასა და მესამე პრეზიდენტის მხარდამჭერი აქციების გამართვას აანონსებენ. მათი ნაწილი უკვე იყო ჩამოსული საქართველოში და რუსთავის ციხესთან აქციაშიც მონაწილეობდა.
“თავისუფლება მიშას!” – ამ ლოზუნგით აქცია რუსთავის ციხესთან 31 ოქტომბერსაც გაიმართა.
ერთერთი ემიგრანტი მიშა ყაფლანიშვილი, რომელმაც არაერთი მსგავსი აქციის ორგანიზებაში მიიღო მონაწილეობა, წერს, რომ მალე შეიქმნება სამოქალაქო მოძრაობა, სადაც 80% ემიგრანტები იქნებიან.
ამასთან, კომენტარებში ემიგრანტები აღნიშნავენ, რომ რუსთავშიც და თბილისშიც კარვების გაშლა იგეგმება, რის გამოც მობილიზებულია საპოლიციო ძალები.