პარლამენტს კიდევ ერთი დეპუტატი ტოვებს. მამუკა ხაზარაძის შემდეგ წასვლის გადაწყვეტილება ზურაბ ჯაფარიძემ მიიღო.
მანდატის შეწყვეტის მოთხოვნით საკანონმდებლო ორგანოს ის უახლოეს საათებში მიმართავს.
განცხადებას პარლამენტის დატოვების შესახებ უახლოეს ხანებში დავწერ, არ მჯერა, რომ ეს პარლამენტი როდესმე შედგება, ეს პარლამენტი არის კარიკატურა, ჩემი ამოცანაა რიგგარეშე არჩევნები- აცხადებს ზურა ჯაფარიძე.
ზურა ჯაფარიძე კომემტარს აკეთებს მამუკა ხაზარაძის გადაწყვეტილებაზე, პარლამენტი დატოვოს.
,,მამუკამ გადაწყვიტა, რომ მისი ადგილი პარლამენტში არ არის, რადგან გარეთ შეუძლია ბევრად უფრო ეფექტური იყოს. მისი გადაწყვეტილებაა, რომელსაც პატივს ვცემ. შარლ მიშელის დოკუმენტის მთელი არსი 5 პუნქტი იყო – კონკრეტული რეფორმები, რომლებიც უნდა გატარებულიყო საარჩევნო სისტემაში, სასამართლოში, მართლსაჯულების სისტემაში – ზოგადად და ა.შ. არც ერთი პუნქტი არ შესრულდა და ბოლოს საერთოდ, თავზე გადაგვახიეს ეს შეთანხმება. ოპოზიციამ რეფორმების სანაცვლოდ მოაწერა ხელი და შევიდა პარლამენტში. შესაბამისად, ის შეთანხმება აღარ არსებობს და პარლამენტში რატო უნდა იყოს?” აცხადებს იგი.