სენაკის მერობის კანიდატი ოპოზიციიდან, კობა ნაყოფია ამბობს, რომ “ქართულმა ოცნებამ” ქვეყანაში არჩევნები გააუქმა. იგი თვლის, რომ ოპოზიციას ბრძოლის მექანიზმად მშვიდობიანი პროტესტი რჩება.
ნაყოფია ასევე, მიხეილ სააკაშვილის შესახებაც საუბრობს და ამბობს, რომ მესამე პრეზიდენტი ტყვეობიდან რაც შეიძლება სწრაფად უნდა დაიხსნან.
ამას არჩევნებს უბრალოდ, ვერ დავარქმევთ. ამის შეფასება არის ძალიან მარტივი. “ქართულმა ოცნებამ” და ბიძინა ივანიშვილმა ამ ქვეყანაში გააუქმა, არჩევნები ამ ქვეყანაში არ არსებობს. გვრჩება მხოლოდ ერთი გზა, ეს არის კონსტიტუციური უფლების გამოყენება, მშვიდობიანი პროტესტის გამოყენება და დღეს ნიკა მელია, ჩვენი პარტიის თავმჯდომარე გამოაცხადებს გეგმას, რა გეგმითაც ჩვენ წავალთ. ბრძოლა იქნება ბოლომდე.
ჩვენ არ მივცემთ უფლებას “ქართულ ოცნებას” , რომ მას შერჩეს ადამიანების ხმების მოპარვა.
რაც ყველაზე მთავარია, ჩვენი ლიდერი დღეს იმყოფება საპყრობილეში. ის არის ივანიშვილის რეჟიმის და პუტინის პატიმარი, ტყვე და ეს ადამიანი ჩვენ უნდა იქიდან გამოვიხსნათ. ამიტომ ჩვენ დრო არ გვაქვს ბევრი, – განაცხადა ნაყოფიამ.