სენაკის მერობის საერთო ოპოზიციური კანდიდატი კობა ნაყოფია ამბობს, რომ საქართველოში არჩევნები გაუქმებულია, მესამე პრეზიდენტი კი პუტინისა და ივანიშვილის მძევალია. კობა ნაყოფიამ ამის შესახებ “მთავარი არხის” საგანგებო ეთერში ისაუბრა და თქვა, რომ ამ სიტუაციიდან ერთადერთი გამოსავალი საზოგადოების პროტესტია.
გამოსავალი ერთია – მიხეილ სააკაშვილი ციხეშია, ის მძევალია პუტინის, ივანიშვილის და ქართული ოცნების, არჩევნები გაუქმებულია, გამოსავალი რა არის – კონსტიტუციური უფლება, პროტესტი. სხვა არაფერი დაგვიტოვა ქართული ოცნების ხელისუფლებამ. აბა რა უნდა გავაკეთოთ – როდესაც ჩვეულებრივად გახევენ არჩევნებს, როდესაც ადამიანებზე ძალადობენ, – თქვა კობა ნაყოფიამ.