მთავარისიახლეებიპოლიტიკამესამე პრეზიდენტი 31-ე დღეა შიმშილობს. მისთვის სასიცოცხლოდ მნიშვნელოვანია პოლიპროფილურ კლინიკაში...

მესამე პრეზიდენტი 31-ე დღეა შიმშილობს. მისთვის სასიცოცხლოდ მნიშვნელოვანია პოლიპროფილურ კლინიკაში გადაყვანა

Published on

საქართველოს მესამე პრეზიდენტის, მიხეილ სააკაშვილის ჯანმრთელობის მდგომარეობა უცნობია. მიხეილ სააკაშვილი კონსილიუმთან შეხვედრაზე და მისთვის სამედიცინო კვლევების ჩატარებაზე უარს ამბობს. დღეს მას ციხეში პირადი ექიმი, ნიკოლოზ ყიფშიძე მოინახულებს.

მესამე პრეზიდენტი 31-ე დღეა შიმშილობს. ექიმები არ გამორიცხავენ, რომ მას თირკმლის უკმარისობა განუვითარდეს, რასაც დიალეზის აპარატი დასჭირდება. ეს აპარატურა ციხის საავადმყოფოს არ აქვს.

“ის რომ პრეზიდენტი უარს ამბობს ახლა ამ ეტაპზე ყოველგვარ გამოვლენაზე და ექიმის ვიზიტზე, ერთი-ორად ზრდის საფრთხეს, რა თქმა უნდა, იმიტომ, რომ ჩვენთვის ცნობილია, რომ მას ჰქონდა არითმიის ორი ეპიზოდი. კიდევ თუ დადგა არითმიის ეპიზოდი შეიძლება ცუდად, ფატალურად დამთავრდეს”, – ამბობს ექიმი გოჩა გიორგაძე.

კლინიკების ასოციაციის პრეზიდენტი, ვილი პაჭკორია ამბობს, რომ შეუქცევადი პროცესები ყოველდღიურად შეიძლება ჩამოყალიბდეს.

“მოსალოდნელია განვითარდეს პოლიორგანული უკმარისობა, თირკმლის უკმარისობის შედეგად არ მოხდა ფილტრაცია, ასეთ შემთხვევაში აუცილებელი იქნება ჩანაცვლებითი თერაპია და დიალიზის აპარატი”, – თქვა პაჭკორიამ.

მისი თქმით, მსგავსი პაციენტი სასიცოცხლოდ მნიშვნელოვანია შერეული ტიპის პოლიპროფილურ კლინიკაში გადაყვანა.

“მთავარი არხის” ინფორმაციით, მიხეილ სააკაშვილს დღეს ციხეში სახალხო დამცველი მოინახულებს.

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...