“ეს ხალხი არასდროს დაიჩოქებს… საქართველო იქნება თავისუფალი და თავისუფლება მოდის მხოლოდ ბრძოლაში” – ამის შესახებ “ლელოს” ლიდერმა მამუკა ხაზარაძემ რუსთაველის გამზირზე მიმდინარე აქციაზე განაცხადა..
აზრი არ აქვს იმ ადამიანებთან ერთად საქმის კეთებას, ვინც ზურგში დანას გირტყამს და გართმევს ხმას….
მივიღე გადაწყვეტილება – მე ვტოვებ პარლამენტს! ვტოვებ მანდატს, იმიტომ რომ თქვენთან ერთად, ქუჩაში გავაგრძელო ბრძოლა საქართველოს თავისუფლებისთვის!
მიუხედავად იმისა, რა რიცხვები დაჯღაბნეს, ამ არჩევნებში კოალიციამ გაიმარჯვა! ერთიანობას და ერთად ბრძოლას არ აქვს ალტერნატივა!
ის, რაც დღეს ხდება, ეს არის ქვეყნის მოგუდვა, რუსული გზა… ჩვენ ამ ხმებს დავიცავთ თბილისში, ბათუმში ქუთაისში და ყველა იმ ქალაქში სადაც მოგვპარეს ხმები..
ეს იქნება უკომპრომისო ბრძოლა, ამ ხელისუფლებას ვაჩვენებთ, რომ დათმობა არ იქნება!
რაც შეეხება ფრაქციას, მამუკა ხაზარაძის განმარტებით, პარლამენტს ის ტოვებს, თუმცა ფრაქ,ცია ,, საკანონმდებლო ორგანოში მუშაობას გააგრძელებს.ყველა ტრიბუნა, რომელიც ლელოს გააჩნია, უნდა იქნას გამოყენებული” – თქვა მან.