,,ბატონი ნიკა შესულია მიხეილ სააკაშვილთან და ველოდებით რაც შეიძლება მალე, რომ გავიგოთ როგორი მდგომარეობა აქვს მას” – განაცხადა ექიმმა გიორგი ჩალაძემ, რომელიც მიხეილ სააკაშვილის მკურნალ ექიმთან ერთად რუსთავის N 12 პენიტენციურ დაწესებულებაში მესამე პრეზიდენტის ჯანმრთელობის მდგომარეობის შესახებ ინფორმაციის მისაღებად მივიდა.
,,ჩამოვედით იმისთვის, რომ ვნახოთ როგორია დღეს ჩვენი ქვეყნის მესამე პრეზიდენტის ჯანმრთელობის მდგომარეობა. ამ პერიოდში, როცა ქუჩაში გვჭირდება ჩვენი ხმების და საქართველოს გადარჩენა, პრეზიდენტი უნდა იყოს მზად და მხნედ, რომ დაიცვას ჩვენი ქვეყანა
დღეს ზღვარი გადის საქართველოსა და რუსეთს შორის გადაწყვეტილებაზე. ჩვენ არასდროს უდნა დავბრუნდეთ რუსეთის გუბერნიად, არასდროს უნდა გავხდეთ ბელორუსია და ამაში უნდა მიიღოს მიშა სააკაშვილმა გადამწყვეტი როლი.- განაცხადა ექიმმა ჩალაძემ