ამ წუთებში დაპირისპირებაა ზუგდიდში, 26-ე უბანზე, რომელიც კომბინატის დასახლებაში, ჯანაშიას ქუჩაზე მდებარე კულტურის სახლშია განთავსებული. უბნის მიმდებარე ტერიტორიაზე მყოფი გაურკვეველი ჯგუფის წევრები აგრესიით გამოირჩევიან მედიისა და ოპოზიციის წარმომადგენელთა მიმართ.
ფიზიკური შეურაცხყოფა მიაყენეს ანზორ მელიას შტაბის წარმომადგენელს ნენე დალაქიშვილს, ასევე ოპოზიციური არხების წარმომადგენელ ჟურნალისტებს ემუქრებიან კამერის დამტვრევით.
“ქართული ოცნების ენჯეოს დამკვირვებელმა დამარტყა, მეორემ უბნიდან გააპარა. პოლიცია ჟურნალისტებს შიგნით არ უშვებს. პოლიციელი მეუბნება, წიხლი ჩამარტყიო…”, – წერს ნენე დალაქიშვილი.
ადგილზე საპატრულო პოლიციის ეკიპაჟი იმყოფება.