ვაზისუბნის 62-ე საარჩევნო უბანზე, სადაც ცოტა ხნის წინ შუქი ჩაქრა, ნიკა მელია მივიდა
თავდაპირველად ერთმანეთს ნიკა მელია და “ქართული ოცნების” წარმომადგენელი ბექა დავითულიანი სიტყვიერად დაუპირისპირდნენ. ადგილზე ვითარება დაიძაბა. ზონდერჯგუფები ნიკა მელიას ფიზიკურად დაუპირისპირდნენ.
მელია ჟურნალისტებს კომენტარს აძლევდა, რა დროსაც უცნობი პირი მელიას ზურგიდან მიეპარა და ფიზიკური შეურაცხყოფა მიაყენა.ადგილზე პოლიციის მობილიზება გახდა საჭირო.
“თუ თავი პოლიტიკოსად მოგაქვთ, უნდა შეეგოთ, რომ ხან წააგებთ, ხან მოიგებთ”, – ნიკა მელიამ კახი კალაძეს მიმართა. მელიას თქმით, კალაძე ამჯერად არჩევნებს აგებს.
ბატონო კალაძე, არაფერი ტრაგიკული იმასთან დაკავშირებით, რომ თქვენ აღარ იქნებით იმ პოზიციაში, რომ მართოთ იმ დანაშაულებრივი მეთოდებით ქალაქი, რომელსაც მართავდით, არ არის. თუ თავი პოლიტიკოსად მოგაქვთ, უნდა შეეგოთ, რომ ხან წააგებთ, ხან მოიგებთ. ამჯერად აგებთ, ბატონო კალაძე. ჯობია, ამ მეთოდებისგან თავი შეიკავოთ. თქვენ ჩანხართ ძალიან სუსტები, ნირწამხდრები და სასოწარკვეთილები, ახლა რასაც სჩადიხართ, პირდაპირი აღიარებაა მარცხის – თქვა მელიამ/