ერთერთი მეთოდი, რითაც ხელისუფლება აყალბებს არჩევნებს, ეს არის ერთი და იგივე პირისთვის წინასწარ დამზადებული ორი პირადობის მოწმობის გადაცემა, სადაც ფოტოსურათი იდენტურია, არ ემთხვევა მხოლოდ გვარი და პირადობის მოწმობების სერიული ნომერი, – ამის შესახებ საგანგებო ბრიფინგზე ენმ-ის ოფისიდან თამარ კორძაიამ განაცხადა და მტკიცებულების სახით ორი პირადობის მოწმობა გაასაჯაროვა.

“მესმის, რომ პირად მონაცემებს ვაქვეყნებთ, მაგრამ საჯარო ინტერესი მოითხოვს”, – განაცხადა თამარ კორძაიამ, რომელმაც, ასევე, სხვა დარღვევებზეც ისაუბრა.

დღეს საქართველოში ადგილობრივი თვითმმართველობის არჩევნების მეორე ტური ტარდება იმ 20 ოლქში, სადაც გამარჯვებული პირველ ტურში, 2 ოქტომბერს ვერ გამოვლინდა. ცესკოს მონაცემებით, 12 საათისთვის ამომრჩეველთა აქტივობამ 17,18% შეადგინა.