მიხეილ სააკაშვილის სიცოცხლესა და ჯანმრთელობას ქართველი ხალხი დაიცავს აცხადებს ნაციონალური მოძრაობის თავმჯდომარიე და თბილისის მერობის კანდიდატი ნიკა მელია.
“მე დარწმუნებული ვარ, რომ მიხეილ სააკაშვილის სიცოცხლე და ჯანმრთელობა იქნება უზრუნველყოფილი ქართველი ხალხის მიერ. შესაძლებელია, ბევრი ადამიანი მხარს უჭერდეს დღეს კოალიციას, შესაძლებელია, ბევრი ადამიანი სიტუაციურად უჭერდეს მხარს კოალიციას და ხვალ და ზეგ სხვა ოპოზიციური პარტიების სასარგებლოდ გააკეთოს არჩევანი, მაგრამ ასეთი კატეგორია ამომრჩევლებისა, მე ვიცი დანამდვილებით, რომ მხარს უჭერენ კოალიციას.
მათ შორის, ერთ-ერთი მთავარი მიზეზი, რის გამოც დღეს ბევრი ადამიანი თავის არჩევანს შეაჩერებს კოალიციის სასარგებლოდ, არის შემდეგი — მოვწონვართ ჩვენ ბევრს, თუ არ მოვწონვართ, ამ ქვეყანას მესამე პრეზიდენტი მოსაკლავი არ ჰყავს, განსაკუთრებით ღარიბაშვილის, განსაკუთრებით კობახიძის, განსაკუთრებით ივანიშვილის, შალვა რამიშვილის და სხვების ხელით”, — განაცხადა მელიამ.
საქართველოს მესამე პრეზიდენტი, მიხეილ სააკაშვილი დაკავებიდან, 30-ე დღეა შიმშილობს. გუშინ სააკაშვილმა განაცხადა, რომ იგი უარს ამბობს შიმშილობის შემამსუბუქებელ მკურნალობაზე. იუსტიციის მინისტრის მტკიცებით, სააკაშვილს მკურნალობაზე უარი არ უთქვამს იღებს ყველა იმ სითხეს, პრეპარატსა და აბს, რასაც იღებდა წინა დღეების განმავლობაში.