ფლანგვის დეტექტორის ინფორმაციით, ზუგდიდის ა(ა)იპ-ებში დასაქმებულთა რაოდენობა 2018-2020 წლებში 130-ით, ხოლო ხარჯი 3 მილიონით გაიზარდა.

საჯარო სექტორში დასაქმებულთა მზარდი ტენდენცია შეინიშნება ამ 10 “ააიპ”-შიც, რაც ცხადია პირდაპირ პროპორციულია ბიუჯეტიდან დახარჯული თანხის მატებასთანაც.

2018 – 2,317 თანამშრომელი

12,125,867 ლარი

2019 – 2,343 თანამშრომელი

12,740,148 ლარი

2020 – 2,446 თანამშრომელი

15,233,625 ლარი

ყველაზე მეტი ზრდა დაფიქსირდა ააიპ „სკოლამდელ სააღმზრდელო დაწესებულების მართვის ცენტრში”. სადაც თანამშრომლების რაოდენობა 2018 წელთან შედარებით 90-ით გაიზარდა.

თანამშრომლების რაოდენობა გაორმაგა ააიპ “ზუგდიდის ბოტანიკურ ბაღშიც”, სადაც 29 თანამშრომლის ნაცვლად, 2020 წელს უკვე 74 თანამშრომელი იყო.

ხოლო ააიპ “საფეხბურთო კლუბ ოდიშში” დასაქმებულთა რაოდენობა თითქმის გაათმაგდა და 5 ის ნაცვლად, 2020 წელს ის უკვე 49 გახდა, ხოლო ამ საფეხბურთო კლუბის დაფინანსება 32,069 ლარიდან 412,410 ლარამდე გაიზარდა.

ცნობისთვის 2018-20 წლებში, ზუგდიდის მუნიციპალიტეტის ბიუჯეტი შესაბამისად 43,769,500 ლარი, 58,976,000 ლარი და 48,790,000 ლარი იყო, რომლის საშუალოდ 27% სწორედ ამ ააიპ-ების დაფინანსებაში დაიხარჯა.

სოციალური მომსახურების სააგენტოს ცნობით ზუგდიდში მოსახლეობა 105,000 ადამიანს შეადგენს, საიდანაც ყოველი მეხუთე 22,959 უკიდურეს სიღარებიში ცხოვრობს”, – წერია განცხადებაში.