ფოთისა და ხობის ეპაქრიის მიტროპოლიტი, მეუფე გრიგოლი აცხადებს, რომ მას არა აქვს სურვილი, იგლოვოს ახალგაზრდა მესამე პრეზიდენტი და რომ ყველაფერი უნდა გაკეთდეს მისი სიცოცხლის შესანარჩუნებლად, – ამის შესახებ მეუფე გრიგოლმა მას შემდეგ განაცხადა, რაც რუსთავის ციხეში მიხეილ სააკაშვილი მოინახულა.
შეგახსენებთ, საქართველოს მესამე პრეზიდენტი მიხეილ სააკაშვილი, უკვე 29-ე დღეა, შიმშილობს.
“ამ პატიმრის ბედი უკავშირდება სახელმწიფოს და სამშობლოს სამომავლო განვითარების ბედს. და თუ ამაზე დავფიქრდებით და შევძლებთ როგორმე ისეთი ზღვარი გავატაროთ პირადულ წყენას, თუნდაც პირადი ტრაგედიასა და სახელმწიფოებრივ ინტერესებს შორის, მაშინ უკვე შევძლებთ სწორი გადაწყვეტილების მიღებას…
მაშინ, როდესაც საქართველოს მესამე პრეზიდენტი, პატიმრობაში მყოფი და მაშინ როცა მე ვუკავშირებ ქვეყნის ბედს, მის სამომავლო განვითარების მდგომარეობას, ჩვენი ქვეყნისადმი საერთაშორისო დამოკიდებულებას და მის მდგომარეობას, აქ მე ვიტყვი, რომ მიუთემეტს ის შიმშილობს, როგორია ამის შედეგები, ან როგორი იქნება, ეს დასაფიქრებელია.
მე ნამდვილად არ მაქვს სურვილი, რომ ჩვენ ვიგლოვოთ ახალგაზრდა პრეზიდენტი”- განაცხადა მიტროპოლიტმა გრიგოლმა.