აფხაზეთიდან დევნილთა ნაწილმა, რომელიც თბილისში, თავისუფლების მოედანზე დღეს, მმართველი პარტიის მიერ ორგანიზებულ სახელისუფლო მიტინგში მონაწილეობს, პლაკატი მიიტანეს.
მიტინგზე პლაკატი წარწერით “აფხაზეთი” და მის გვერდით, იგივე სტილით დამზადებული პლაკატი გამოიფინა წარწერით: “მიშა, რომ გამოხვალ ციხიდან, ფოცხოში მოგცემთ ბინას”.
შეგახსენებთ, ფოცხო-ეწერი წალენჯიხის მუნიციპალიტეტის სოფელია, რომელიც წალენჯიხიდან 22 კმ-ით, ხოლო ჯვრის რკინიგზის სადგურიდან 4 კილომეტრითაა დაშორებული. ფოცხო-ეწერი ენგურჰესის მუშების დასახლების მიზნით შეიქმნა, ხოლო მიხეილ სააკაშვილის ხელისუფლების დროს იქ აფხაზეთიდან დევნილებისთვის დასახლება შექმნეს და ბინები დევნილებს გადასცეს.
