როგორია საქართველოს მესამე პრეზიდენტის ჯანმრთელობის მდგომარეობა და ირღვევა თუ არა მისი უფლებები – უკრაინის ომბუდსმენი, ლუდმილა დენისოვა, საქართველოს მესამე პრეზიდენტს მიხეილ სააკაშვილი რუსთავის ციხეში ამ წუთებში ხვდება.
როგორც მან პენიტენციურ დაწესებულებაში შესვლამდე განაცხადა, დაინტერესებულია იმით, თუ რამდენად აღმოუჩენენ მოშიმშილე პრეზიდენტს დახმარებას ციხის საავადმყოფოში.
დღეს ჩვენ საშუალება მოგვეცა მოვინახულოთ უკრაინის მოქალაქე მიხეილ სააკაშვილი. პირადად მინდა გავეცნო მისი ჯანმრთელობის მდგომარეობას იმიტომ, რომ დღეს მისი შიმშილობის 27-ე დღეა. მინდა, პირადად დავრწმუნდე, რამდენად არის შესაძლებლი ციხის საავადმყოფოში მას შესაბამისი დახმარება აღმოუჩინონ. თუ ეს საავადმყოფო არ აკმაყოფილებს იმ ნორმებს, რომელიც პრეზიდენტისთვისაა საჭირო, მე მზად ვარ შევხვდე მის პირად ექიმს. ჩემი ვიზიტის მთავარი მიზანია, გავარკვიო რამდენადაა დაცული ან დარღვეულიმისი უფლებები აქ”, – განაცხადა ლუდმილა დენისოვამ.
ომბუდსმენი მიხეილ სააკაშვილის უკრაინელი ადვოკატის ევგენი გრუშოვეცის საქართველოში არ შემოშვების საკითხზეც გააკეთა განცხადება და თქვა, რომ უფლებადამცველი ყოველგვარი დასაბუთების გარეშე გააბრუნეს უკან:
“გუშინ ჩამოსული იყო ერთ-ერთი ადვოკატი, რომელიც დასაბუთების გარეშე გააბრუნეს უკან. მას ეს ინფორმაცია მიაწოდეს უკან. ჩვენ უკრაინაში დაბრუნებისას გავარკვევთ, რამდენად სწორად მოხდა ადვოკატის არშემოშვება საქართველოში. აქ ჩამოვედი იმისთვის, რომ გავარკვიო მიხეილს რა უნდა, რომ შემდგომ ადეკვატური ნაბიჯები გადავდგათ”, – თქვა ლუდმილა დენისოვამ.