პოპულარული უკრაინელი ჟურნალისტი დიმიტრი გორდონი, რომელიც საქართველოს სახელმწიფო ინტერესების მუდმივი მხარდამჭერი და ჩვენი ქვეყნის დიდი გულშემატკივარია, მისი გადაცემა კი უკრაინის ტელესივრცეში წლებია, ერთერთი ყველაზე რეიტინგული გახლავთ, საქართველოში არ შემოუშვეს და აეროპორტიდან უკან აბრუნებენ.
ინფორმაცია ენმ-ის ერთერთმა ლიდერმა ხატია დეკანოიძემ გაავრცელა.
შეგახსენებთ, გუშინ აეროპორტიდან უკან, კიევში მოუწია გაბრუნება მიხეილ სააკაშვილის უკრაინელ ადვოკატსაც, რომელსაც ქვეყანაში შემოსვლაზე, კოვიდრეგულაციებთან მისი ტესტის შეუასაბამობის მოტივით, უარი უთხრეს.
აქვე გეტყვით, რომ საქართველოს მესამე პრეზიდენტი მიხეილ სააკაშვილი 27-ე დღეა, შიმშილობს. ის 1 ოქტომბერს, მას შემდეგ დააკავეს, რაც საქართველოში ჩამოვიდა. მიხეილ სააკაშვილი დღეს, 27 ოქტომბერს, უკრაინის სახალხო დამცველმა მოინახულა.