მთავარისიახლეებიპოლიტიკაშსს-ს კიდევ ერთი ოფიცერი ტოვებს - პოლიციის მაიორი რომან ანთია გადადგა

შსს-ს კიდევ ერთი ოფიცერი ტოვებს – პოლიციის მაიორი რომან ანთია გადადგა

Published on

შსს-ს იმერეთის საგანგებო განსაკუთრებულ დავალებათა სამმართველოს თანამშრომელი, პოლიციის მაიორი რომან ანთია პროტესტის ნიშნად ტოვებს თანამდებობას. – ამის შესახებ მედიას ინფორმაცია მიაწოდა ყოფილმა ძალოვანმა, ენმ-ის წარმომადგენელმა ნიკო მიქაიამ.

ნიკო მიქაიას განცხადებით, რომან ანთია სოლიდარობას უცხადებს ხობის პოლიციის ყოფილ უფროსს კახა რაფავას, რომელსაც რამდენიმე დღის წინ, თავის საცხოვრებელ სახლში იარაღი ჩაუდეს და დააკავეს.

“ჯაჭვი არ წყდება და გრძელდება. ძალიან ბევრი ღირსეული თანამშრომელი არ ემორჩილება უკანონო ბრძანებებს და პროტესტს გამოთქვამს. მინდა მივმართო პოლიციელებს, რომ არ შეასრულონ უკანონო ბრძანებები. რაც შეეხება რომა ანთიას, ის ზუგდიდელია, მაგრამ იმერეთის განსაკუთრებულ დავალებათა სამმართველოში მსახურობდა და დღეს მესამეა ძალოვანთაგან, ვინც პროტესტის ნიშნად შსს დატოვა. აქვე უნდა განვაცხადო, რომ არცერთ გადამდგარ ძალოვანს, თადარიგის ოფიცერს, რომელიც ცდილობს შეაჩეროს არჩევნების გაყალბება, არ ატარებს უკანონოდ არაფერს და ვთხოვ ზემოთ, თავი შეიკავონ შემდგომი რეპრესიებისგან”, – განაცხადა ნიკო მიქაიამ.

შეგახსენებთ, რომ ყოფილ ძალოვანთა მიმართ დაწყებული რეპრესიები გააპროტესტეს და თანამდებობები დატოვეს სამეგრელო-ზემო სვანეთის საპატრულო სამმართველოს პატრულ-ინსპექტორმა ომარ არქანიამ, ანაკლიის სასაზღვრო განყოფილების თანამშრომელმა რევაზ ლაზიშვილმა, მაიორმა თემურ ბერიშვილმა, კრიმინალური პოლიციის თანამშრომელმა ჯიმი გუგავამ და პოლიციის მაიორმა, იმერეთის განსაკუთრებულ დავალებათა სამმართველოს თანამშრომელმა რომან ანთიამ.

აქვე გეტყვით, რომ ხობის პოლიციის სამმართველოს ყოფილი უფროსი ლექსო რაფავა რამდენიმე დღის წინ დააკავეს. ადვოკატის, ოჯახის წევრებისა და ოპოზიციის მტკიცებით, ეს მას შემდეგ მოხდა, რაც მის საცხოვრებელ სახლში იარაღი და საბრძოლო მასალა “ამოიღეს”.

სიახლეები

უკრაინულმა დარტყმებმა რუსეთის ნავთობგადამამუშავებელი სიმძლავრეების 55%-ზე მეტი უკვე შეაჩერა – ზელენსკი

უკრაინის პრეზიდენტის, ვოლოდიმირ ზელენსკის განცხადებით, უკრაინული ძალების იერიშების შედეგად, რუსეთის ნავთობგადამამუშავებელი სიმძლავრეების ნახევარზე მეტმა...

1 დეკემბრიდან ესტონეთი რუსეთთან ყველა სასაზღვრო გამშვებ პუნქტს ჩაკეტავს

“ამ ყველაფრის სანდოობას გადავამოწმებთ. თუმცა, თუ ეს მათი რეალური გეგმებია, მაშინ ისინი აგრესიული და...

ცეცხლსასროლი იარაღისა და საბრძოლო მასალის უკანონო შეძენა-შენახვისა და ტარების ბრალდებით 11 პირი დააკავეს

ცეცხლსასროლი იარაღისა და საბრძოლო მასალის უკანონო შეძენა-შენახვისა და ტარების ბრალდებით 11 პირი დააკავეს -...

აბუ-დაბიში დაკავებული მერაბ დვალიშვილი და საბა ლაზიშვილი თავისუფლები არიან

აბუ-დაბიში დაკავებული მერაბ დვალიშვილი და საბა ლაზიშვილი თავისუფლები არიან - ინფორმაციას ჟურნალისტი არიელ ჰელვანი...