თბილისის მერობის კანდიდატი კახა კალაძე სახალხო დამცველის განცხადებას გამოეხმაურა, სადაც აღნიშნულია, რომ ე.წ. ციხის საავადმყოფოში მიხეილ სააკაშვილისთვის საჭირო დახმარების აღმოჩენა შეუძლებელია. განცხადებაში ჩამოთვლილია ის მიზეზებიც, რის გამოც ომბუდსმენის აპარატი ამ დასკვნამდე მივიდა.
“სახალხო დამცველი თუ უარყოფს, ვსიო მიღებულია, ძმაო, სახალხო დამცველმა თუ უარყო, კაი”. – ასე გამოეხმაურა მერობის კანდიდატი “ოცნებიდან” სახალხო დამცველის პოზიციას.
“თუ იქნება საჭიროება, რა თქმა უნდა, პენიტენციურ სისტემას აქვს თავისი კლინიკა და მიხეილ სააკაშვილი გადაყვანილი იქნება და მიეხედება ისე, როგორც ყველას”. – ამბობს კახა კალაძე.
შეგახსენებთ, საქართველოს მესამე პრეზიდენტი მიხეილ სააკაშვილი 25-ე დღეა, პროტესტის ნიშნად რუსთავის ციხეში შიმშილობს.