სახელმწიფო ელექტროსისტემის მაღალი ძაბვის 110-კილოვატიანი ხაზი გაწყდა, რის გამოც 4 მიმართულების სამგზავრო მატარებელი გაჩერებულია.
როგორც საქართველოს რკინიგზის მიერ გავრცელებულ განცხადებაშია ნათქვამი, მაღალი ძაბვის გაწყვეტილი ხაზი დაეცა რკინიგზის საკონტაქტო ხაზს და დააზიანა.
შედეგად სამ საათზე მეტია დაუსახლებელ ადგილზე გაჩერებულია შემდეგი მიმართულებების მატარებლები: თბილისი-ბათუმი, ბათუმი-თბილისი, თბილისი-ფოთი, ზუგდიდი-თბილისი.მატარებლებში მგზავრები, მათ შორის ბავშვები საკვებისა და წყლის გარეშე არიან დარჩენილი, რაც მთავარია მათ არავინ დაკავშირებია და არ იციან, როდის დამთავრდება ეს ტყვეობა.
“სახელმწიფო ელექტროსისტემის თანამშრომლების მიერ აღდგენითი სამუშაოები უკვე დაწყებულია და თანმიმდევრულად განახლდება მოძრაობა. ყველა მიმართულების აღდგენას დაახლოებით 2 საათი დასჭირდება.პარალელურად კომპანიამ უკვე გაგზავნა სამგზავრო ავტობუსები. მგზავრებს სურვილისამებრ მიეცემათ მგზავრობის ავტობუსებით გაგრძელების საშუალება”, – ნათქვამია განცხადებაში.