შსს გენინსპექციის უფროსის მოადგილე, პოლიციის ვიცე-პოლკოვნიკი ჭაბუკა რაფავა პროტესტის ნიშნად ტოვებს თანამდებობას და ამ ნაბიჯით სოლიდარობას უცხადებს ყოფილ ძალოვნებს, რომელთა მიმართ, ბოლო დღეებში ხელისუფლებამ რეპრესიები დაიწყო.
უფრო კონკრეტულად, ჭაბუკა რაფავას პროტესტი გამოიწვია ხობის პოლიციის ყოფილი უფროსის, ლექსო რაფავასთვის იარაღისა და ასაფეთქებელი ნივთიერების ჩადებამ, რის შემდეგაც ის დააკავეს. დაკავების მიზეზი, სინამდვილეში, რაფავას ბოლოდროინდელი პოლიტიკური აქტივობაა: ის მიხეილ სააკაშვილის გათავისუფლებას ითხოვდა, მონაწილეობდა 14 ოქტომბერს თბილისში გამართულ აქციაში, ხოლო ადგილობრივი თვითმმართველობის არჩევნებზე ღიად უჭერდა მხარს ერთიან ნაციონალურ მოძრაობასა და გაერთიანებულ ოპოზიციას.
შეგახსენებთ, ჭაბუკა რაფავამდე პროტესტის ნიშნად თანამდებობა ანაკლიის სასაზღვრო სადგურის ხელმძღვანელმაც დატოვა.