გენერალურმა ინსპექციამ დაიწყო მოკვლევა მესამე პრეზიდენტის მიერ ციხის ფანჯრიდან მხარდამჭერებისადმი მისალმებასთან დაკავშირებით. ახლა გამომძიებლებმა უნდა დაადგინონ, როგორ მოხვდა მიხეილ სააკაშვილი ციხის ფანჯარასთან და რა სანქციები შეიძლება დააკისრონ ამისთვის.
,,დღეს დამიკავშირდნენ იუსტიციის სამინისტროს გენ ინსპექციიდან და შემატყობინეს, რომ გუშინდელ ინციდენტთან დაკავშირებით მათ დაწყებული აქვთ წარმოება და სურთ მიხეილ სააკაშვილთან გასაუბრება და მკითხეს, როდის შეიძლებოდა მოგვეხერხებინა, რომ ჩვენც, ადვოკატებიც დავსწრებოდით ამ პროცესს. სიმართლე გითხრათ, ძალიან სასაცილო იყო გუშინ პენიტენციური დაწესებულების განცხადება, რომელიც “ფეისბუქ” გვერდზე გამოქვეყნეს უკანონოობაო. რაც შეეხებას აქნციებს, არ ვიცი, ვერ გეტყვით რა გადაწყვეტყილებას მიიღებენ, უბრალოდ, სასაცილო ფაქტია – რაზეა ლაპარაკი, რა სანქცია შეიძლება დაეკისროს მესამე პრეზიდენტს ფანჯრიდან გახედვის გამო. “- ამბობს მიხეილ სააკაშვილის ადვოკატი დიმიტრი საძაგლიშვილი.