დღეს, 22 ოქტომბერს ირაკლი ღარიბაშვილმა სენაკში წინასაარჩევნო ვიზიტის დროს მერობის ოპოზიციონერ კანდიდატზე კობა ნაყოფიაზე ისაუბრა. მისი თქმით, იმ შემთხვევაში, თუ არჩევნებში ენმ-ის სენაკის მერობის კანდიდატი კობა ნაყოფია გაიმარჯვებს, ის ხელისუფლების გარეშე “ნაბიჯს ვერ გადადგამს”, რადგან ცენტრალური ხელისუფლება მათ ხელშია, ნაყოფიას კი “არანაირი პერსპექტივა არ აქვს”
,,მას არავითარი კონატქტი არ ჰქონია სენაკთან. მე მინდა მივმართო, რა პერსპექტივა აქვს კობა ნაყოფიას? ხელისუფლება ჩვენია, ცენტრალური მთავრობა ჩვენია. ჩვენ გარეშე ნაბიჯს ვერ გადადგამს. ნემისმიერ მუნიციპალიტეტში სხვა კანდიდატი რომც გავიდეს, ცენტრალური მთავრობის გარეშე პერსპექტივა არ აქვს უბრალოდ. ეს არის თავის მოტყუება. თავის დაჩაგვრაა.
მეორე მხარეს არის კაცი, რომელსაც არაფერი არ გაუკეთებია სენაკისთვის. ვერც გააკეთებს, ეს არის ტყუილი. დადის და ატყუებს მოსახლეობას. თუ რაიმეს გაკეთება უნდოდა, მას ჰქონდა ამის შესაძლებლობა. სახლიც კი არ აქვს სენაკში და მერობაზე აცხადებს პრეტენზიას. ” -განაცხადა მან.
“ღარიბაშვილს კონტროლი აქვს დაკარგული და მისი დღევანდელი განცხადებები”საკუთარი მოსახლეობის მიმართ მიზანმიმართული დანაშაულის განაცხადია”. გარდა სიძულვილის ენისა, ეს არის პირდაპირი დასტური, რომ ხელისუფლება მზად არის საბოტაჟი მოუწყოს საკუთარ მოსახლეობას. პირდაპირ აანონსებს, რომ ოპოზიციური კანდიდატების გამარჯვების შემთხვევაში ხალხი “დაიჩაგრება” – წერს ხატია დეკანოიძე Facebook გვერდზე