,,ჯერჯერობით, ქვეყანაში საწოლფონდის პრობლემა არ დგას, მაგრამ დადგება აუცილებლად თუ ასე გაიზარდა [შემთხვევები], ამ ტემპით, და უახლოეს პერიოდში ალბათ, საქართველოში არც ერთი საწოლი არ იქნება თავისუფალი.” – ამბობს პირველი საუნივერსიტეტო კლინიკის გენერალური დირექტორი ლევან რატიანი .
,,ჩვენი მაგალითით მინდა გითხრათ, რომ ბოლო 12 დღეა, არც ერთი თავისუფალი ადგილი ჩვენს კლინიკას არ გაჩნია. ეს ცუდი ინდიკატორია, როდესაც ერთერთ დიდ კლინიკაში ასეთი დეფიციტი ხდება”
,,ვაქცინა საბედნიეროდ არსებობს, რა თქმა უნდა, დამეთანხმებით, რომ ბევრი კითხვა არსებობს, არსებობენ მომხრეები, მოწინააღმდეგეები, მაგრამ ფაქტი ჯიუტია, რომ მასობრივი ვაქცინაცია ეფექტურობის შემთხვევაში უამრავი სიცოცხლის გადარჩენის მომტანია… მაგრამ ამისთვის საჭიროა, ვაქცინაცია იყოს რაც შეიძლება გაშლილი, გლობალური, წერტილოვანი არა, იმიტომ, რომ ეს არის სწორედ ვაქცინაციის დადებითი ეფექტი, თუ მასიურია ვაქცინაცია, ის არის ეფექტური, თუ ეს იქნება ერთეული, ათიდან ერთი რომ გაიკეთებს, ეს არ ნიშნავს არაფერს” – ამბობს ლევან რატიანი .