პირადი ექიმი აცხადებს, რომ მიხეილ სააკაშვილი უარს აცხადებს გლდანის ციხის საავადმყოფოში გადაყვანაზე.
ნიკოლოზ ყიფშიძე ცოტა ხნის წინ რუსთავის მე-12 დაწესებულებაში, სააკაშვილთან შესახვედრად მივიდა.
“მიხეილ სააკაშვილის პოზიციაა, რომ ის არ წავა საავადმყოფოში, რომელიც ეკუთვნის გლდანის ციხეს”, – უთხრა ექიმმა ჟურნალისტებს. მისივე აღნიშვნით, მანამდე, ჯანდაცვის მინისტრმა, ეკატერინე ტიკარაძე მას დაჰპირდა, რომ მიაწვდიდა იმ საავადმყოფოების სიას , სადაც სააკაშვილის გადაყვანა იქნებოდა შესაძლებელი.
იუსტიციის მინისტრი რატი ბრეგაძე ამბობს, რომ თუ მიხეილ სააკშვილის ჰოსპიტალიზაცია საჭირო გახდება, მას პენიტენციური სამსახურის N18 სამკურნალო დაწესებულებაში გადაიყვანენ.
ადვოკატები აცხადებენ , რომ პენიტენციური სამსახურის მე-18 სამკურნალო დაწესებულებაში სააკაშვილის უსაფრთხოება უზრუნველყოფილი ვერ იქნება