დღეს გახდება ცნობილი დათანხმდება თუ არა მიხეილ სააკაშვილი მედიკოსთა კონსილიუმის გადაწყვეტილებას და გადაიყვანენ თუ არა მას კლინიკაში.
“დღეს ვისაუბრებთ, ცხადია სამედიცინო მანიპულაციებთან ზოგადი საუბარი მიხეილ სააკაშვილთან გვქონდა, თუმცა, კონკრეტულად გუშინდელ რეკომენდაციაზე მის ჰოსპიტალიზებასთან დაკავშირებით აქამდე არ გვისაუბრია. მას შემდეგ რაც მოვინახულებთ, სხვა თემებთან ერთად, ალბათ ამასაც განვიხილავთ, შევძლებთ დავაფიქსიროთ მისი სახელით პოზიცია”, – თქვა დიმიტრი საძაგლიშვილმა.
ცნობისთვის, ექიმების კონსილიუმის რეკომენდაციაა მიხეილ სააკაშვილი გამოკვლევებისთვის კლინიკაში გადაიყვანონ. იუსტიციის სამინსიტრომ განაცხადა, რომ ყველა რეკომენდაცია შესრულდება, თუ ამაზე თანხმობას მესამე პრეზიდენტი განაცხადებს.