რუსთავის #12 დაწესებულებაში დასრულდა საქართველოს მესამე პრეზდიენტის მიხეილ სააკაშვილის ჯანმრთელობის მდგომარეობის საკითხზე შექმნილი ექიმთა კონსილიუმის შეხვედრა, რის შემდეგაც მათ მოინახულეს მსჯავრდებული. სააკაშვილის პირადი ექიმის, ნიკოლოზ ყიფშიძის გარდა კონსილიუმის სხვა წევრებმა ციხე კომენტარის გარეშე დატოვეს.

როგორც ყიფშიძე ამბობს, ახლა თავადაც მიდის იუსტიციის სამინისტროში და დაესწრება მიხეილ სააკაშვილის უფლებრივი და ჯანმრთელობის მდგომარეობის მონიტორინგის ჯგუფის წევრების შეხვედრას. მისი თქმით, გადაწყვეტილების შესახებ ერთობლივი განცხადება გაკეთდება.

ყიფშიძის ინფორმაციით, კონსილიუმის წევრებმა მიხეილ სააკაშვილის ჯანმრთელობის მდგომარეობა ზუსტად ისე შეაფასეს, როგორც თავად აფასებს. „ანალიზის პასუხები და ყველაფერი განვიხილეთ ციხეში, 2-3 საათის განმავლობაში. რასაც მე ვლაპარაკობ, ზუსტად ისევეა ყველაფერი”, – თქვა მან.

რაც შეეხება სააკაშვილსი ჰოსპიტალიზაციის საკითხს, ყიფშიძე აღნიშნავს, რომ გადაწყვანის საკითხზე იყო საუბარი, მაგრამ არა – დღეს.

„ზუსტად ფორმულირება არ ყოფილა, რომ ჰოსპიტალში გადაყვანას საჭიროებს. სააკაშვილის პოიზიცია არის ის, რომ ის განაგრძობს შიმშილს და შემდეგი ორი დღის განმავლობაში იფიქრებს ჰოპსპიტალში გადასვლის საკითხზე. ყველა ვთავაზობთ შიმშილობის შეწყვეტას, მაგრამ არაფერი არ გამოდის”, – თქვა ექიმმა