ჰაერზე არ გავდივარ, რადგან არ მინდა გისოსებიდან ცის ყურება. ციხის ექიმები დიდი მზრუნველობით მეპყრობიან. ვუყურებ თავისუფალ ქართულ არხებს – ამის შესახებ საქართველოს მესამე პრეზიდენტი, მიხეილ სააკაშვილი პირველის “შაბათის ეთერისთვის” მიცემულ ექსკლუზიურ ინტერვიუში საუბრობს.
მიხეილ სააკაშვილი კმაყოფილებას ვერ მალავს, ხუთშაბათს თავისუფლების მოედანზე გამართული მრავალათასიანი საპროტესტო აქციის გამო და აღნიშნავს:თავისუფლების მოედანზე დავინახე ახალი საქართველოს ამაყი, ნათელი და შეუპოვარი სახე”- წერს სააკაშვილი “ტვ პირველისთვის” გამოგზავნილ წერილში.
რაც შეეხება თაფლის სკანდალს, პატიმრობაში მყოფი პრეზიდენტი ამბობს, რომ მისი მიღება ციხის ადმინისტრაციამ ურჩია.
თაფლი თვითონ შემომთავაზეს, როგორც შიმშილობის პროტოკოლის ნაწილი, თითო კოვზი ჩაიში, მაგრამ, როცა საღამოს ტელევიზიით მოვისმინე, ოქმით დავაბრუნე”- აღნიშნავს სააკაშვილი.
რაც შეეხება დაკავების ფაქტს, საქართველოს მესამე პრეზიდენტი “შაბათის ეთერის” კითხვის საპასუხოდ ამბობს, რომ ჩხრეკას ვერ იხსენებს:
ჩხრეკას ვერ ვიტან, მე თვითონ ამოვალაგე ჩანთიდან ნივთები. ჩანთაში მქონდა ორი სამი მაისური და სვიტერი. პოლიციელები ძალიან მოწიწებით მექცეოდნენ და რაღაცა ხანი მოახლოებასაც ვერ ბედავდნენ. მერე ეგრევე სელფების გადაღება დაიწყეს. გზაზეც სელფებს იღებდნან”- აცხადებს სააკაშვილი.