საქართველოს პარლამენტის წევრის, ანა წითლიძის განცხადებით, მიხეილ სააკაშვილი 14 ოქტომბერს გამართული აქციის აღფრთოვანებულია და თქვა, რომ ამდენი ხალხი აქციაზე არც ვარდების რევოლუციის დროს ყოფილა.
“არის ძალიან მხნედ. ფიზიკურად რა თქმა უნდა ეტყობა შიმშილობა. გუშინდელი დღით არის აღფრთოვანებული, მითხრა რომ ამდენი ხალხი აქციაზე არ ყოფილა არც ვარდების რევოლუციის დროს.
განსაკუთრებულად უხარია და აღნიშნა, რომ თბილისი იყო გამოსული გუშინდელ აქციაზე.
შიმშილობის შეწყვეტაზე არ მალაპარაკა. გამხდარხართ ბატონო პრეზიდენტო-მეთქი და ,,კი, გავხდი, მაგრამ შენ უფრო გამხდარი ხარო” — წერს წითლიძე ფეისბუქგვერდზე.