წალენჯიხის გზაზე, მეურნეობის მიმდებარე ტერიტორიაზე მომხდარი ავარიის შედეგად მოტოციკლის მძღოლი ადგილზე გარდაიცვალა.
არსებული ინფორმაციით, მოტოციკლზე ორი ახალგაზრდა იჯდა. მეორე პირის გარდაცვალების შესახებ ინფორმაცია ჯერ-ჯერობით არ ვრცელდება.
რამდენიმე წუთის წინ, მოტოციკლი მსუბუქ ავტომანქანას დაეჯახა. ასევე მძიმედ დაშავდნენ ავტომობილში მსხდომი პირებიც.
ადგილზე მობილიზებულია პოლიცია და სასწრაფო-დახმარების ბრიგადები.
შსს-ს ცნობით, გამოძიება დაწყებულია სსკ-ის 276-ე მუხლით.