საქართველოს მესამე პრეზიდენტის, მიხეილ სააკაშვილის, საქმეზე დაკავებულ სამ პირს ამ წუთებში დეპუტატი თამარ კორძაია ე.წ. მატროსოვის ციხეში ხვდება.
,,ადამიანურად მინდა გავიგო, როგორ გრძნობენ თავს, რა გზავნილები აქვთ. შევდივარ, როგორც დამოუკიდებელი დეპუტატი. ვთვლი, რომ ეს ადამიანები ყურადღებას იმსახურებენ. ქვეყანაში შექმნილ მძიმე ვითარებაში, ისინი სრულიად შემთხვევით მოხვდნენ ამ ყველაფერში”- აცხადებს დეპუტატი.
მამა-შვილ ზურაბ და შალვა წოწორიებს გამოძიება დანაშაულის დაფარვას, ხოლო ელგუჯა ცომაიას კი მიხეილ სააკაშვილის ქვეყანაში შემოყვანას ედავება.
დეპუტატი თამარ კორძაია ამბობს, რომ ბრალი აბსურდულია და ისინი “ქართული ოცნების” პოლიტიკური ტყვეები არიან.