ჭყონდიდის ყოფილი მიტროპოლიტი მამა პეტრე ამბობს, რომ მიხეილ სააკაშვილის გათავისუფლებას მხარს არა ცალკეული სასულიერო პირები, არამედ ეკლესია ერთსულოვნად უნდა უჭერდეს. მისი თქმით, სახარების თანახმად, ნებისმიერი პატიმარი და უსამართლოდ დევნილი ქრისტეს სიმბოლოა.
დღეს სახარების თანახმად, ნებისმიერი პატიმარი, უსამართლოდ დევნილი და უსამართლო პატიმარი ქრისტეს სიმბოლოა და სახეა და ეკლესია ერთსულოვნად უნდა უჭერდეს მხარს.
მოკლე პარალელს გავალებ, 2012 წლის დასაწყისში, როდესაც ბატონი ივანიშვილი აკეთებს განცხადებას, რომ მოდის პოლიტიკაში და გახსოვთ, ე.ი. პირველი ტალღა იყო, მოქალაქეობის ჩამორთმევა, თუ აღდგენა და ა.შ., პატრიარქი გამოვიდა სამების ამბიონიდან და პირდაპირ მოუწოდა, განცხადება გააკეთა, რომ ბატონ ივანიშვილსო, რომელიც ძალიან დიდი ქველმოქმედია და ქტიტორია სამების ტაძრისო, აუცილებლად უნდა ჰქონდეს მოქალაქეობა საქართველოსიო და ფაქტია, რომ ეს იყო პოლიტიკური განცხადება და ფაქტია, რომ ეს იყო პოლიტიკური ვაჭრობის შემადგენელი ნაწილი, – ამბობს მამა პეტრე.