ადვოკატი წულუკიანის გასაგონად განმარტავს, რომ სააკაშვილი შიმშილობს არა იმიტომ, რომ ჩვენ ამაზე ვლაპარაკობთ, ან ამაზე ვილაპარაკოთ, არამედ იმიტომ, რომ ეს ციხიდან ბრძოლის უკანასკნელი ინსტრუმენტია მის ხელში

0
77

თეა წულუკიანმა დღეს უნებლიედ აღიარა.რომ მთელი საზოგადოება მიხეილ სააკაშვილის შიმშილზე საუბრობს. თუმცა იქვე ჩვეული ცინიზმით განაცხადა, რომ მოშიმშილე პატიმარს შიმშილობის შეწყვეტის გადაწყვეტილებაში ხელს უშლის მუდმივი საუბარი მისი პროტესტის ამ ფორმაზე.

,, როდესაც მთელი საზოგადოება პატიმრის შიმშილზე საუბრობს და ამით ცდილობენ, გვაცხოვრონ, ეს პირდაპირ ეწინააღმდეგება მოცემული პატიმრის უფლებებს, რომ მან თავისუფლად გადაწყვიტოს, როდის შეწყვიტოს შიმშილი, რაც, იმედი მაქვს, მალე დადგება“ – თქვა წულუკიანმა მიხეილ სააკაშვილზე საუბრისას.

მინისტრს დაუყოვნებლივ უპასუხა მიხეილ სააკაშვილის ადვოკატმა დიტო საძაგლიშვილმა

,,მიხეილ სააკაშვილის შიმშილობა განპირობებულია არა იმით, რომ ჩვენ ამაზე ვლაპარაკობთ, ან ამაზე ვილაპარაკოთ, არამედ იმით, რომ ეს ციხიდან ბრძოლის უკანასკნელი ინსტრუმენტია მის ხელში. მესამე პრეზიდეტმა დაკავების მომენტიდან გამოაცხადა შიმშილობა და ის ძალიან მყარად იყო ჩამოყალიბებული ამ პოზიციაზე.” -განაცხადა ადვოკატმა

დღეს მიხეილ სააკაშვილის შიმშილობის მე-13 დღეა. მისი მდგომარეობა კი ადვოკატების ინფორმაციით, უკვე შესამჩნევად გაუარესდა.

წინა სტატიაანა წითლიძე: ენმ ზუგდიდის ოფისში არ წყდება თბილისის აქციაზე წამსვლელთა ნაკადი, მსგავსი რაოდენობა ცხრა წელია არ ყოფილა
შემდეგი სტატიამიხეილ სააკაშვილის გათავისუფლების მოთხოვნით, ბათუმში მოქალაქეები ხელმოწერებს აგროვებენ
ტელეკომპანია ოდიშის საინფორმაციო სამსახური