რუსთავის მე-12-ე პენიტენიცურ დაწესებულებასთან მიხეილ სააკაშვილის მხარდამჭერები იკრიბებიან. სამოქალაქო აქტივისტებმა გადაწყვეტილება მას შემდეგ მიიღეს, რაც მესამე პრეზიდენტის ჯანმრთელობის გაუარესების შესახებ ინფორმაცია გავრცელდა. ისინი მიხეილ სააკაშვილის სასწრაფო წესით კლინიკაში გადაყვანას ითხოვენ.
ამის გარდა, მოძრაობა “საქართველოსთვის” წევრებმა 8 საათის შემდეგ “ქართული ოცნების” ოფისთან შეკრება დააანონეს. აქტივისტები მმართველ პარტიას შეახსენებენ, რომ მიხეილ სააკაშვილის ჯანმრთელობაზე სრული პასუხისმგებლობა მათ ეკისრებათ. მათი თქმით, ექსპრეზიდენტი პირადად ბიძინა ივანიშვილის და პუტინის პატიმარია და ის დაუყოვნებლიც უნდა გათავისუფლდეს.
მიხეილ სააკაშვილი არის პირადად ბიძინა ივანიშვილის და პუტინის პირადი პატიმარი. მის ჯანმრთელობაზე და სიცოცხლეზე პასუხისმგებლობა ეკისრება ივანიშვილის რეჟიმს და ჩვენ მოვითხოვთ მის ჯანმრთელობასთან დაკავშირებით სასწრაფო ღონეს მიმართოს საქართველოს შესაბამისმა უწყებებმა და გადაიყვანონ ეს ადამიანი საავადმყოფოში. ჩვენ საქართველოს მოქალაქეები, სამოქალაქო აქტივისტები, პრეზიდენტის მახარდამჭერები თუ სხვა, არ დავუშვებთ იმას, რომ რუსეთმა და მათმა ინტერესებმა მოგვიკლას კიდევ ერთი პრეზიდენტი ამ ქვეყანაში, – ამბობს მოძრაობა “საქართველოსთვის” წევრი, ალექსანდრე კუპრავა.