რუსეთის საოკუპაციო ძალები სოფელ ხურვალეთი-ორჭოსანისა და ცენტრალური ავტობანის მიმდებარედ ხნულებს ანახლებენ
ანტისაოკუპაციო მოძრაობის ლიდერის, დავით ქაცარავას განცხადებით, ტერიტორია ავტობანიდან დაახლოებით, 380 მეტრშია.
,,ამ წუთებში რუსები ხურვალეთთან, ავტობანის მიმდებარედ ხნულებს ანახლებენ.
ერთ დღეს არ გაგვიკვირდეს, ორკები ავტობანზე რომ ამოვლენ”- წერს იგი თავის ფეისბუქ გვერდზე.
.
ინფორმაციას ადასტურებენ სახელმწიფო უსაფრთხოების სამსახურშიც, თუმცა ამბობენ, რომ ეს არააა ახალი ხნულები, – საოკუპაციო რეჟიმი ადგილზე არსებულ ხანძარსაწინააღმდეგო ხნულებს ანახლებს. მათივე ცნობით, ამგვარ ხნულებს ოკუპანტები ყოველწლიურად ავლებენ.