ჩემს წინასწარ გლოვას, სჯობს, ხელები დავიკაპიწოთ და 30 ოქტომბერს გამარჯვება ვიზეიმოთ – მიხეილ სააკაშვილის მიმართვა ციხიდან

0
322

საქართველოს მესამე პრეზიდენტი ციხიდან მორიგ მიმართვას ავრცელებს. მიხეილ სააკაშვილის მიმართვა მედიას მისმა ადვოკატმა, “მთავარი არხის” გენერალურმა დირექტორმა ნიკა გვარამიამ გააცნო.

“მეგობრებო, მინდა მოგმართოთ ყველას თხოვნით, ახლა არჩევნებია და მთელი ყურადღება უნდა დაეთმოს ამას. ახლა ნიჰილიზმის დათესვა არჩევნების მეორე ტურებთან დაკავშირებით, მათ შორის ჩემზე ზრუნვის მოტივაციით, საქართველოს მტრის პირდაპირი ინტერესია. ქვეყანა ჩვენ უნდა შევცვალოთ ბევრი მეთოდით, მათ შორის უმთავრესია არჩევნებზე გამარჯვების გამოგლეჯა. მე ჩემის მხრივ ყველაფერს ვიზამ, რომ შიმშილობის გაგრძელების პირობებშიც კი, ცოცხალმა მივაღწიო 30 ოქტომბრამდე და ჩემს წინასწარ გლოვას, აშკარად სჯობს, ხელები დავიკაპიწოთ და ერთად ვიზეიმოთ გამარჯვება”, – ნათქვამია მიხეილ სააკაშვილის მიმართვაში.

ცნობისთვის, საქართველოს მესამე პრეზიდენტი თბილისში 1 ოქტომბერს დააკავეს. მიხეილ სააკაშილი უკვე მე-11 დღეა, შიმშილობს. გუშინ მისმა ექიმმა ნიკოლოზ ყიფშიძემ თქვა, რომ მესამე პრეზიდენტის ჯანმრთელობის მდგომარეობა შესაძლოა, ნებისმიერ დროს დამძიმდეს.

წინა სტატიაჩვენი პრიორიტეტი, როგორც ოჯახის, არის ვიხილოთ მიშა ჯანმრთელი, თავისუფალი – ედუარდ სააკაშვილი
შემდეგი სტატიასააკაშვილს 6 წელი მოუწევს ციხეში ყოფნა – ღარიბაშვილი
ტელეკომპანია ოდიშის საინფორმაციო სამსახური