ბათუმში, 26 მაისის ქუჩაზე, საცხოვრებელი კორპუსის ნგრევის შედეგად მომხდარ ტრაგედიასთან დაკავშირებით, დღეს ბათუმში დაგეგმილი საქართველო-საბერძნეთის საფეხბურთო მატჩი მაყურებლის გარეშე ჩატარდება. გადაწყვეტილება საკოორდინაციო საბჭომ მიიღო.
ამავე საბჭოს 5 ოქტომბრის გადაწყვეტილებით, შეხვედრას მაყურებლის 33% უნდა დასწრებოდა რეგულაციების დაცვით.
“მაყურებელს ბილეთებში გადახდილი თანხა უკან დაუბრუნდება. მატჩზე დასწრებას შეძლებს მხოლოდ საბერძნეთის დელეგაცია, რომელიც უკვე ბათუმში იმყოფება და საქართველოს ფეხბურთის ფედერაციის წარმომადგენლები”, – ნათქვამია განცხადებაში.
8 ოქტომბერს ბათუმში, 26 მაისის ქუჩაზე, 7 სართულიანი შენობა ჩამოინგრა. ფაქტს 8 ადამიანის სიცოცხლე ემსხვერპლა. მათ შორის 3 ბავშვია.
11 დღე საქართველოში გლოვის დღედ გამოცხადდა.