ფრანგული მოდის სახლის “ბალენსიაგას” შემოქმედებითი ხცელმძღვანელი დემნა გვასალია FashionHolics online-სთან ინტერვიუში ამბობს, რომ მას უყვარს მყვირალა ფერები, მაგრამ საყვარელი ფერი შავია. დემნა გვასალია ამას იმით ხსნის, რომ საქართველოში გაიზარდა:

“მე საქართველოში გავიზარდე, იქ ასეთი აღქმა გვაქვს – ყველას შავი აცვია. ჩემი საყვარელი ფერიც, ისევე, როგორც ქრისტობალდ ბალენსიაგასი, შავია. ბებია მყავდა, რომელიც 30 წლის ასაკში დაღუპულ ქმარს გლოვობდა და მთელი ცხოვრება შავი ტანსაცმელი ეცვა, მეორე ბებია ახლა 80 წელზე მეტისაა, ისიც შავებში დადის და ნამდვილი მოდის დივაა, მას მიაჩნია, რომ შავი ყველაზე ელეგანტური ფერია”, – ამბობს დემნა გვასალია.