ლეგენდარული გერმანელი ყოფილი ფეხბურთელი ლოთარ მათეუსის “ანგარიშზე” მეხუთე განქორწინებაა. გერმანიის ნაკრების, “ინტერისა” და “ბავარიის” ყოფილი მოთამაშე ამჯერად 33 წლის რუს მოდელს ანასტასია კლიმკოს გაშორდა. აღსანიშნავია, რომ ამ წელს წყვილს ვაჟი – მილან მათეუსი შეეძინა. წინა ქორწინებებიდან მათეუსს სამი შვილი ჰყავს: ალისა (35 წლის), ვიოლა (33 წლის) და ვაჟი ლორისი (29 წლის).
“ჩვენ მივხვდით, რომ ჩვენი ინტერესები ძალიან დაშორდა ერთმანეთს და განქორწინება გადავწყვიტეთ. დანარჩენი – დეტალებია, რაც არავის ეხება.
შემიძლია მხოლოდ ის ვთქვა, რომ ჩვენ არ გვქონია ჩხუბი, სკანდალები და ღალატი. შევთანხმდით, რომ ამაზე არასდროს არ ვიტყვით მეტს, ვიდრე ახლა ვამბობთ”, – განაცხადა ლოთარ მათეუსმა.