ცენტრალური აფრიკის რესპუბლიკაში (აღმოსავლეთიდან ესაზღვრება სუდანი და სამხრეთი სუდანი, სამხრეთიდან – კონგოს დემოკრატიული რესპუბლიკა და კონგოს რესპუბლიკა, დასავლეთიდან – კამერუნი, ჩრდილოეთიდან ჩადი), ბამბერე-ქადეის პრეფექტურაში “ვაგნერის ჯგუფის” სამი დაქირავებული რუსი სამხედრო ინსტრუქტორი მოკლეს.
ჯავშანტრანსპორტიორი, სადაც სამი რუსი ინსტრუქტორი იმყოფებოდა, ალყაში დაჯგუფება “ცვლილებებისთვის მებრძოლთა კოალიციამ” მოაქცია და ცეცხლი გაუხსნა. რუსი კერძო ინსტრუქტორების დაღუპვა დაადასტურეს პრეფექტურის თანამშრომლებმა.
სროლა და დაპირისპირება რამდენიმე საათის განმავლობაში გრძელდებოდა მანამ, სანამ ჰაერში რუსული ავიამხარდაჭერა გამოჩნდა. ავიადარტყმების შედეგად ბრძოლის ველზე ხუთი ცხედარი დარჩა, საიდანაც ორი მეამბოხეებისაა. “კოალიციის” დანარჩენი წევრები გაიფანტნენ.
“ამერიკის ხმა”.