მთავარისიახლეებიპოლიტიკა"ერთხელ უკვე დამადეს უკრაინაში" - როგორ დააკავეს მიხეილ სააკაშვილი ბინაში (ვიდეო)

“ერთხელ უკვე დამადეს [ბორკილები] უკრაინაში” – როგორ დააკავეს მიხეილ სააკაშვილი ბინაში (ვიდეო)

Published on

ინტერნეტში გავრცელდა მიხეილ სააკაშვილის დაკავების კადრები თბილისში, ელგუჯა ცომაიას საცხოვრებელ სახლში, სადაც ის მარტო იმყოფებოდა. გავრცელებულ კადრებში ჩანს, რომ მიხეილ სააკაშვილი მაგიდასთან იჯდა, სადაც სახელდახელო სუფრა იყო გაშლილი. ვიდეოში ისმის დიალოგიც, რომელიც მიხეილ სააკაშვილსა და მის დასაკავებლად მისულ პოლიციელებს შორის გაიმართა.

“წესია უბრალოდ”, – ამ სიტყვებით იწყება ვიდეო, სადაც ჩანს, როგორ ადებენ ბორკილებს სააკაშვილს სამართალდამცავები.

“უკრაინაშიც ერთხელ უკვე დამადეს”, – პასუხობს სააკაშვილი.

პოლიციელი: წამობრძანდით

სააკაშვილი: წყალი შეიძლება დავლიო?

პოლიციელი: დალიეთ. “კურტკა” არ გქონდათ არაფერი? იქ ხომ იყო რაღაც?

მიხეილ სააკაშვილი: ჩანთაში დევს.

შეგახსენებთ, საქართველოს მესამე პრეზიდენტი საქართველოში 1 ოქტომბერს ჩამოვიდა და ბათუმში გადაღებული ორი ვიდეო გამოაქვეყნა. საქართველოს ხელისუფლება აცხადებდა, რომ მიხეილ სააკაშვილს ქვეყნის საზღვარი არ გადმოუკვეთავს, რომ გავრცელებული ვიდეო დიპფეიკია და რომ მიხეილ სააკაშვილი, სინამდვილეში, უკრაინის ერთერთ კურორტზე იმყოფება. მოგვიანებით პრემიერმა ღარიბაშვილმა განაცხადა, რომ მიხეილ სააკაშვილი დაკავებულია. როგორც გაირკვა, მესამე პრეზიდენტი თბილისში რამდენიმე დღის განმავლობაში იმყოფებოდა.

მიხეილ სააკაშვილს სოხუმელი ელგუჯა ცომაია მასპინძლობდა, რომელმაც მიხეილ სააკაშვილს სანზონაში საკუთარი ბინა დაუთმო. საქართველოს მესამე პრეზიდენტი სწორედ ამ ბინაში დააკავეს, თუმცა, დაკავებამდე რამდენიმე წუთით ადრე სააკაშვილმა თავად ატვირთა ვიდეო, სადაც მისი დაკავება იწინასწარმეტყველა. დაკავებისას ბინაში მიხეილ სააკაშვილი მარტო იმყოფებოდა და სამართალდამცველებისთვის წინააღმდეგობა არ გაუწევია. მესამე პრეზიდენტი რუსთავის მე-12 დაწესებულებაში გადაიყვანეს. დააკავეს ასევე ბინის მფლობელი ელგუჯა ცომაია, რომელსაც დანაშაულის შეუტყობინებლობას (ძებნილი პირის შეფარება) ედავებიან. ასევე დაკავებული არიან მამა-შვილი, ზურაბ და შალვა წოწორიები, რომლებმაც, ბრალდების მხარის ინფორმაციით, მესამე პრეზიდენტი სამეგრელოში ჩაიყვანეს.

სიახლეები

ჟურნალისტ ელისო კილაძეს 10-წლიანი პატიმრობა მიესაჯა

ჟურნალისტ ელისო კილაძეს 10-წლიანი პატიმრობა მიესაჯა გადაწყვეტილება თბილისის საქალაქო სასამართლოში გამოცხადდა დღევანდელ სასამართლო პროცესზე დასკვნითი სიტყვის...

უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს

დაღესტნელი მებრძოლი უსმან ნურმაგომედოვი და მისი გუნდის წევრები არაბთა გაერთიანებულ საამიროების ციხიდან გაათავისუფლეს, -...

ევროკავშირმა რუსეთის წინააღმდეგ სანქციები გააფართოვა

ევროკავშირმა რუსეთის წინააღმდეგ სანქციების სია გააფართოვა. ახალი შეზღუდვები 12 ფიზიკურ პირსა და 101 ორგანიზაციას...

ევროკავშირმა უკრაინისთვის €8 მილიარდის გადარიცხვა დაამტკიცა

ევროკავშირის საბჭომ Ukraine Facility-ს პროგრამის ფარგლებში კიევისთვის თითქმის 8 მილიარდი ევროს გადარიცხვა დაამტკიცა, რაც...