იტალიის ქალაქ მილანში კერძო თვითმფრინავი ცარიელ შენობას დაეჯახა. შედეგად ბორტზე მყოფი რვავე ადამიანი დაიღუპა. როგორც BBC ადგილობრივ მედიაზე დაყრდნობით წერს, გარდაცვლილებს შორის ახალგაზრდა ბიჭიც არის.
გავრცელებული ინფორმაციით, თვითმფრინავის მგზავრები ფრანგები იყვნენ, თუმცა ოფიციალურ უწყებებს, ჯერჯერობით ინფორმაცია არ დაუდასტურებიათ.
თვითმფრინავი მილანის აეროპორტიდან კუნძული სარდინიას მიმართულებით მიფრინავდა, თუმცა აფრენიდან მალევე ჩამოვარდა.
თვითმფრინავის შეჯახების შედეგად, შენობის ახლოს მდებარე რამდენიმე მანქანას ცეცხლი გაუჩნდა.