მიხეილ სააკაშვილი შიმშილობას არ წყვეტს და უგონო მდგომარეობაში სამედიცინო ჩარევაზეც უარს ამბობს

0
272

საქართველოს მესამე პრეზიდენტი მიხეილ სააკაშვილი შიმშილობას აგრძელებს და უარს ამბობს სამედიცინო ჩარევაზე იმ შემთხვევაშიც კი, თუ გონებას დაკარგავს. ამის შესახებ მისმა ადვოკატმა და მთავარი არხის გენდირექტორმა ნიკა გვარამიამ განაცხადა, რომელიც საკანში მიხეილ სააკაშვილს შეხვდა. სწორედ ნიკა გვარამიას გადასცა წერილი მესამე პრეზიდენტმა.

“მე მინდა, საქართველოს მოქალაქეებმა იცოდნენ ჩემი მყარი გადაწყვეტილების შესახებ, დავბრუნდი საქართველოში, რათა დავხმარებოდი ჩვენს ხალხს თავისუფლების და დემოკრატიის აღდგენის საქმეში. როგორც მოსალოდნელი იყო, რეჟიმმა დამაკავა. მე ვრჩები თავისუფალ ადამიანად გისოსებს მიღმაც. როგორც ალბათ იცით, მე გამოვაცხადე შიმშილობა და მინდა იცოდეთ, რომ არ შევწყვეტ ამას არცერთ შემთხვევაში სანამ მე და ჩემს გამო დაკავებული ადამიანები არ იქნებიან გათავისუფლებულები. მე ძალიან მიყვარს სიცოცხლე, მაგრამ ეს შიმშილობა იქნება ჩემი სიცოცხლის დასრულებამდე და ყველა შემთხვევაში.

თუ ჩემი არსებობით მეტს ვეღარ დავეხმარები ჩემს ხალხს, მზად ვარ, ჩემი თავგანწირვით მაინც დავამტკიცო, რომ საქართველოსთვის ღირს სიცოცხლეც და სიკვდილიც და ზუსტად ვიცი, რაზეც მივდივარ. არ მსურდა, გული მეტკინა ჩემი ოჯახის წევრებისთვის და ახლობლებისთვის, თუმცა, უარი განვაცხადე წინასწარვე ექიმების შემოთავაზებაზე ჩემს უგონო მდგომარეობის შემთხვევაში, რაიმე ტიპის სამედიცინო ჩარევაზე. ამას გწერთ არა ხელის ჩამოსაშვებად, არამედ პირიქით, თქვენს გასააქტიურებლად. ძალიან მიყვარხართ ყველანი”, – ნათქვამია წერილში, რომელიც საზოგადოებას ნიკა გვარამიამ გააცნო.

წინა სტატიაპატიმრობაში მყოფი ორი პოლკოვნიკი სააკაშვილს მხარს უჭერს და მასთან ერთად შიმშილობას იწყებს
შემდეგი სტატია“ან მივიღებთ სამართლიანობას, ან გარდაცვლილ მესამე პრეზიდენტს” – ნიკა გვარამია
ტელეკომპანია ოდიშის საინფორმაციო სამსახური