დღეიდან, 4 ოქტომბრიდან სწავლა საკლასო ოთახებსა და აუდიტორიებში განახლდება. ასევე, მუშაობას განაახლებენ ბაღები და ბავშვთა გასართობი ცენტრები.
ეს გადაწყვეტილება გასულ კვირას საკოორდინაციო საბჭომ მიიღო.
ცნობილია ისიც, რომ თუ რომელიმე მშობელი გადაწყვეტს, რომ სწავლა ბავშვმა სწავლა დისტანციური რეჟიმით გააგრძელოს, ამის შესაძლებლობა ისევ ექნებათ.
გარდა ამისა, გაიხსნება ბაღები და ბავშვთა გასართობი ცენტრები.
4 ოქტომბრიდან პროფესიულ კოლეჯებსა და უნივერსიტეტებს უფლება ეძლევათ, სასწავლო პროცესი აუდიტორიებში განაახლონ.
“გადაწყვეტილებებს კოლეჯები და უნივერსიტეტები იღებენ თვითონ, თავიანთი უფლებამოსილების ფარგლებში ჩვენთან, სამინისტროსთან შეთანხმებით”, – თქვა მიხეილ ჩხენკელმა საკოორდინაციო საბჭოს სხდომის დასრულების შემდეგ.