“ან მივიღებთ სამართლიანობას, ან გარდაცვლილ მესამე პრეზიდენტს” – ნიკა გვარამია

0
491

“ძალიან მიმძიმს ამის თქმა, მაგრამ ან მივიღებთ სამართლიანობას, ან კიდევ, მისსავე აშენებულ ციხეში გარდაცვლილ მესამე პრეზიდენტს, ქვეყნის ყველაზე მნიშვნელოვან პოლიტიკურ ფიგურას, რა თქმა უნდა, ზვიად გამსახურდიასთან ერთად”, – ამის შესახებ ნიკა გვარამიამ მიხეილ სააკაშვილთან შეხვედრისა და მისი წერილის გასაჯაროვების შემდეგ განაცხადა.

მიხეილ სააკაშვილმა საკნიდან მხარდამჭერებს მიმართა. მესამე პრეზიდენტი წერს, რომ სიცოცხლე ძალიან უყვარს, მაგრამ მიუხედავად იმისა, დაემუქრება თუ არა ეს მის სიცოცხლეს, შიმშილობის შეწყვეტას არ აპირებს.

“მე მინდა, საქართველოს მოქალაქეებმა იცოდნენ ჩემი მყარი გადაწყვეტილების შესახებ, დავბრუნდი საქართველოში, რათა დავხმარებოდი ჩვენს ხალხს თავისუფლების და დემოკრატიის აღდგენის საქმეში. როგორც მოსალოდნელი იყო, რეჟიმმა დამაკავა. მე ვრჩები თავისუფალ ადამიანად გისოსებს მიღმაც. როგორც ალბათ იცით, მე გამოვაცხადე შიმშილობა და მინდა იცოდეთ, რომ არ შევწყვეტ ამას არცერთ შემთხვევაში სანამ მე და ჩემს გამო დაკავებული ადამიანები არ იქნებიან გათავისუფლებულები. მე ძალიან მიყვარს სიცოცხლე, მაგრამ ეს შიმშილობა იქნება ჩემი სიცოცხლის დასრულებამდე და ყველა შემთხვევაში.

თუ ჩემი არსებობით მეტს ვეღარ დავეხმარები ჩემს ხალხს, მზად ვარ, ჩემი თავგანწირვით მაინც დავამტკიცო, რომ საქართველოსთვის ღირს სიცოცხლეც და სიკვდილიც და ზუსტად ვიცი, რაზეც მივდივარ. არ მსურდა, გული მეტკინა ჩემი ოჯახის წევრებისთვის და ახლობლებისთვის, თუმცა, უარი განვაცხადე წინასწარვე ექიმების შემოთავაზებაზე ჩემს უგონო მდგომარეობის შემთხვევაში, რაიმე ტიპის სამედიცინო ჩარევაზე. ამას გწერთ არა ხელის ჩამოსაშვებად, არამედ პირიქით, თქვენს გასააქტიურებლად. ძალიან მიყვარხართ ყველანი, – ნათქვამია წერილში, რომელიც საზოგადოებას ნიკა გვარამიამ გააცნო.

შეგახსენებთ, დღეს, რუსთავის ციხესთან მოქალაქეებმა მიხეილ სააკაშვილის მხარდამჭერი აქცია გამართეს. მასში მონაწილეობის მისაღებად მოქალაქეები მსოფლიოს სხვადასხვა ქვეყნიდან, ასევე საქართველოს რეგიონებიდან, ავტოკოლონებით ჩამოვიდნენ.

“მესმის თქვენი ხმა საკანში” – მიხეილ სააკაშვილი ციხესთან შეკრებილ მხარდამჭერებს მიმართავს

წინა სტატიამიხეილ სააკაშვილი შიმშილობას არ წყვეტს და უგონო მდგომარეობაში სამედიცინო ჩარევაზეც უარს ამბობს
შემდეგი სტატიასაქართველოში შემოსული მიხეილ სააკაშვილი სამეგრელოს ერთერთ სოფელშიც იმყოფებოდა
ტელეკომპანია ოდიშის საინფორმაციო სამსახური