“ქართულმა ოცნებამ” ზუგდიდი პროპორციულშიც წააგო, საკრებულოში კი უმრავლესობა დაკარგა

0
684

ცესკოს მონაცემების მიხედვით, “ქართულმა ოცნებამ” ზუგდიდში მარცხი განიცადა როგორც პროპორციული, ასევე მაჟორიტარული შედეგებით. ასევე, მეორე ტური გახდება საჭირო ზუგდიდის არჩეული მერის გამოსავლენად – 2 ოქტომბრის არჩევნების შედეგების მიხედვით, ენმ-ს მერობის კანდიდატმა ანზორ მელიამ მის მთავარ კონკურენტზე “ქართული ოცნებიდან” – მამუკა წოწერიაზე 3%-ით მეტი ხმა მიიღო.

პროპორციული შედეგები ასე გამოიყურება:

„ერთიანი ნაციონალური მოძრაობა“- 43.16%
„გახარია-საქართველოსთვის – 10.64%
„ლელო“ – 1.44% (741 ხმა);

აქვე გეტყვით, რომ ზუგდიდის 15 მაჟორიტარული ოლქიდან “ოცნებამ” მხოლოდ 5 მოიგო, რაც იმას ნიშნავს, რომ ზუგდიდის საკრებულოში მმართველმა პარტიამ უმრავლესობა დაკარგა. 45 წევრიან საკრებულოში, “ოცნებას” 5 მაჟორიტარი პლუს პროპორციული სიით გათვალისწინებული წარმომადგენლები ეყოლება და სულ დაახლოებით 13-14 მანდატი ექნება.

ენმ-ს საკრებულოში 9 მაჟორიტარი პლუს პროპორციული სიით გასული ეყოლება, ანუ 14-15 მანდატი ექნება.

პარტიას “გახარია საქართველოსთვის”, რომელმაც ხმების 10,6% მიიღო, ზუგდიდის საკრებულოში 3 წევრით იქნება წარმოდგენილი. ამ პარტიას კანდიდატები ჰყავდა მაჟორიტარულ ოლქებშიც, მაგრამ ვერცერთში ვერ გაიმარჯვა.

რაც შეეხება კიდევ ერთ მანდატს, მისი მფლობელის ვინაობას მეორე ტური გადაწყვეტს, სადაც ერთმანეთს კონკურენციას გაუწევენ “ოცნებისა” და ენმ-ს კანდიდატი. ჭითაწყარი, ცაიში, ურთა, ცაცხვის მე-4 მაჟორიტარულ ოლქში 40%-იანი ბარიერის გადალახვა 2 ოქტომბერს ვერცერთმა ვერ მოახერხა.

წინა სტატიათქვენი დაკარგული და წაშლილი სახე მოვიგეთ – კობახიძე ჟურნალისტებს
შემდეგი სტატიადაკავების პროცესში სააკაშვილს ივანიშვილმა დაურეკა და გარიგება შესთავაზა, რაზეც უარი მიიღო – ელისო კილაძე
ტელეკომპანია ოდიშის საინფორმაციო სამსახური