რუსთავის #12 სასჯელაღსრულების დაწესებულებაში საქართველოს მესამე პრეზიდენტს „ნაციონალური მოძრაობის“ წევრი, დეპუტატი თინა ბოკუჩავა მოინახულებს.
მან სასჯელაღსრულების დაწესებულებაში შესვლის ნებართვა პარლამენტის თავმჯდომარისგან მიიღო.
,,როგორც პრეზიდენტი სააკაშვილი იმ წერილში ამბობს, რომელიც გამოქვეყნდა, ახლა მისთვის ყველაზე მნიშვნელოვანია ჩვენი ქვეყნის გათავისუფლება და ბუნებრივია, ჩვენი ქვეყნის გათავისუფლებასთან ერთად მისი გათავისუფლება იქნება ავტომატური. ჩემი აზრით, მისმა თავგანწირვამ უნდა მისცეს თითოეულ ჩვენგანს მაგალითი იმისთვის, რომ საქართველოს თითოეული მოქალაქე მივიდეს საარჩევნო ყუთთან. დღეს მართლაც ჩვენი ქვეყნის ბედი წყდება და და პრეზიდენტი სააკაშვილის თავგანწირვამ, ჩემი აზრით, ხაზი გაუსვა იმას, თუ რამდენად მნიშვნელოვანი ბრძოლა არის დღეს“, – განაცხადა თინა ბოკუჩავამ.