ენმ-ს წევრი თინა ბოკუჩავა რამდენიმე წუთის წინ გამოვიდა სასჯელაღსრულების მე-12 დაწესებულებიდან , სადაც მიხეილ სააკაშვილთან შეხვედრაზე იმყოფებოდა.
,,10 წელია ვიცნობ პრეზიდენტ სააკაშვილს და მინდა გითხრათ, რომ დღეს მე ყველაზე მეტად დავინახე ის მიშა, რომელიც ქართველ ხალხს ყველაზე მეტად უყვარს და ეს არის მიშა, რომელიც უზომოდ შეყვარებულია საკუთრ ქვეყანაზე” – განაცხადა მან.
ბოკუჩავას ინფორმაციით, მესამე პრეზიდენტთან სამომავლო გეგმებზე და გარდაუვალ გამარჯვებაზე ისაუბრეს. მისივე თქმით, მიხეილ სააკაშვილი ფიქრობს რომ პოლიტიკური პატიმარია, რაც ბოკუჩავას შეფასებით სიმართლეა, რადგან მის ბრალდებებს სამართლებრივი საფუძველი არ აქვს.
“ძალიან მარტივად მითხრა, რომ მისი შემოსვლა ქვეყნაში მოხდა ყველა პროცედურის და კანონის დაცვით. დამატებითი დეტალები არ უთქვამს, მაგრამ დარწმუნებული ვარ, ძალიან მალე ექნება მედიასთან კომუნიკაციის შესაძლებლობა და თუ საჭიროდ ჩათვლის, თავად მოგახსენებთ” ამბობს ბოკუჩავა.